**Rajasthan, Udaipur — Subah ke nau baje.**

Ek sundar sa mahal, jisme sheeshe jaise chamakte marble floors aur chandeliers the. Issi mahal ke ek kamre mein ek ladki dressing table ke saamne baithi thi. Uske haath mein phone tha — screen par scroll karte hue uski aankhen kisi gehri soch mein doobi lag rahi thi.

Uske aas-paas do ladkiyan khadi thi — ek uske lambe, dark brown baalon ko soft curls de rahi thi, aur doosri uske haath par laal nail polish ka final coat chadha rahi thi.

Woh ladki. Saanvi Aryavanshi.

Naam jitna narm, uska aura utna hi mesmerizing. Ek triangular face, milk-white skin, hazel eyes jinke upar ghani palken thin. Un aankhon mein kuch kahaniyan thi — dard bhari, lekin sabse gehri.

Uski naak perfectly defined thi, hoth naturally red aur thode ubhre hue Heart shape mein. Uske upper lips ke right corner par ek chhota sa til, jo uske chehre ko aur bhi divine bana deta tha. Lambe baal kamar tak girte hue, jaise hawa unhe churane ki koshish kar rahi ho. Height — 5.8". Umr, sirf 19. Perfect body curves, elegant posture ke saath —, lekin personality. Ek queen jaisi.

Chehre par muskaan nahi thi, par ek alag sa tej, ek command thi — jaise duniya ruk jaaye jab woh dekhe.

Yahi hai hamari kahani ki heroine. Saanvi Aryavanshi.

Tabhi uski maid ne halki si respectful awaaz mein kaha, "Ma'am, aap ready hain?"

Saanvi ne phone side rakha, khamoshi se khadi hui aur ek haath ke ishaare se dono maids ko Room se jaane ko kaha. Jab dono nikal gayi, toh Saanvi ne mirror ke saamne khud ko ek baar dekha — aur uski nazar peechhe ki wall par jaakar ruk gayi. Ek pal ke liye uska expression thoda sa soft hua, phir woh palat kar Room se bahar nikal gayi.

Hall tak aate hi uske kadam apne aap mandir ki taraf mud gaye.

Usne haath jode, aankhen band karke kuch seconds tak prayer ki — bina kuch bole, bas dil se. Phir dining area ki aur badh gayi.

Table par baithte hi ek warm, par masculine awaaz uske kaano tak pahunchi — "Good morning, Angel."

Woh awaaz thi Ashok Aryavanshi ki — Saanvi ke Dadaji

Saanvi ne unhe dekha, lekin expression zyada nahi badla. Woh bas itna boli, "Morning, Dadu."

Ashok Aryavanshi — 65 saal ke hone ke bawajood ab bhi 45 ke dikhte the. Six’ one" height, gehunwa rang, perfectly groomed white hair aur neatly trimmed beard. Expensive brown business suit, sharp wristwatch, aur ek aisi presence jo power ka symbol thi.

Retired Lieutenant General reh chuke the, aur ab duniya ke top business tycoons mein se ek. Rajasthani Royal Weavers — unka empire, jiska sikka India se lekar foreign markets tak chalta tha. Trillionaire the, unka empire itna vast tha ki agar woh chahen, toh puri India ki economy hila den. Underworld Kings bhi unke saamne jhuk jaate the, par duniya ke liye almost invisible. Unhe sirf woh log jaante the jo duniya ke richest aur powerful circle mein the. Unki asli pehchaan bahut kam logon ko pata thi — sirf top industrialists aur kuch international billionaires hi unhe jaante the. Duniya ke liye woh bas ek shaant, sophisticated vyakti the.

Baahar ke logon ke liye woh cold aur disciplined Ex- Lieutenant General the, par Saanvi ke saamne hamesha ek soft aur playful version ban jaate the.

Saanvi aur Ashok ne bina zyada baat ke apna breakfast khamoshi mein khaya. Phir dono Garden ki taraf chale gaye — ek aisa Garden jo palace ke charo taraf phaila hua tha. Hawa mein mogre ki khushboo thi, aur talaab ke paas colorful fishes tair rahi thin. Har taraf tight security — guards with rifles, uniformed bodyguards, cameras. Sab kuch ek royal fortress jaisa.

Ashok ne use dekha aur halka sa muskuraye, aur kaha: "Angel, kya zaroorat hai jaane ki? Tum yahan reh kar bhi padh sakti ho. Rajasthan mein bhi kaafi achi universities hain."

Saanvi ne unki taraf dekha bhi nahi, bas kaam voice mein boli, "Mujhe yahan nahi rehna, Dadu. Yeh bas naam ka ghar reh gaya hai. Ghar wali vibe. Ab yahan se ja chuki hai. Un sab ki yaad har kone mein bas chhupi hai. Agar yahan rahi, toh shaayad main pagal ho jaungi. Aur aap bhi yahan kam hi rehte hain."

Ashok ne ek gehri saans li aur uske sir pe haath rakha, aur bole: "Theek hai, lekin wahan jaake apna dhyaan rakhna. Koi problem ho toh mujhe batana, aur please, koi ladai-jhagda mat karna."

Saanvi ne halka sa smirk diya, aur unhe dekhte hue boli: "Main kisi se bewajah nahi bhidti, Dadu. Lekin log khud meri attention paane ke liye mujhse pange lete hain. Aur tab unki aukat dikhana zaroori ho jaata hai."

Ashok ne aankhen thodi si chhoti karte hue kaha, "Agar mujhe tumhari koi shikayat mili toh..."

Saanvi ne unki baat kaat di aur boli: "Toh kya, Dadu? Agar koi misbehave karega, toh main uska munh todne se pehle sochungi bhi nahi. Itni Training aapne di kis liye thi? Self- defense aur shooting sirf dekhne ke liye nahi seekha maine. Aur jab sab kuch aapko hi solve karna tha, toh self- defense aur shooting lessons kis kaam ke?"

Ashok ne gehri saans lekar kaha, "Theek hai baba, sorry. Par khud ko control mein rakhna. Har waqt haath chalana zaroori nahi hota."

Saanvi ne watch dekhi aur nazar utha ke boli: "Gyarah baj rahe hain. Mujhe nikalna chahiye. Wahan sab ready hai na? Car, bike, hostel room."

Ashok ne use gale lagate hue kaha, "Sab ready hai, Angel. Bilkul tumhare hisaab se."

Woh dono baatein karte karte palace ke backside area mein aa gaye the. Wahan par ek private jet ready tha. Saanvi ka luggage already load ho chuka tha.

Usne Dadu ko hug kiya aur bina palte jet mein chadh gayi. Jet ka Interior luxurious aur royal tha — jaise ek moving palace ho. Flight Bangalore ke liye thi — jahan Saanvi apni nayi zindagi shuru karne ja rahi thi, ek best university aur hostel life ke saath.

Jet take off hua, Saanvi ne window se Udaipur ke mahal chote hote dekhe. Usne apni favorite book kholi aur padhne lagi. Use books padhna pasand tha.

Wahin niche, Ashok Aryavanshi jet ko aasmaan mein gayab hota dekhte rahe. Chehre par udaasi thi. Tabhi unka assistant Ahaan aaya, aur woh unhe greet karte hue respect ke saath bola: "Good morning, Sir."

Ashok ne sir hila kar jawab diya.

Ahaan ne dheere se poocha, "Sir, aap Ma'am ko unke Mom-Dad ke baare mein kab batane wale hain?"

Ashok kuch pal ruke phir thoda soch kar bole: "Samajh nahi aa raha, kaise bataun. Bata diya toh gussa bahut karegi."

Ahaan ne muskura kar bola, "Agar kisi aur se pata chala toh, aapki shakal bhi nahi dekhegi. Uska gussa aap par gaya hai, Sir."

Ashok ne thodi der soch kar saans liya, aur kaha: "Tum sahi keh rahe ho. Main jald hi bata dunga use."

Aur phir woh dono palace ke andar laut gaye.

Dhai ghante baad — Bangalore

Jet ek private ground pe land karta hai — aas-paas jungle aur silence. Saanvi niche utarti hai, do guards use escort karte hue ek luxury car tak le jaate hain. Thodi der baad, highway pe chheh-saat cars ki ek convoy ready hoti hai. Center mein — ek black Mustang.

Saanvi Mustang mein baithi, kuch instructions diye aur ignition on kiya. Convoy uske peeche maintain distance banaaye chali.

Drive karte hue usne ek soft English song play kiya. Hawa thodi thandi thi, baadal bhare hue the.

Thodi door jaake usne car rok di — ek roadside chai tapri ke paas.

Usne phone nikala, kuch type karke send kiya, aur car se utar kar side mein tek lagakar khadi ho gayi. Usne ek cigarette nikali, lighter se jalaya aur ek deep drag liya. Tabhi ek guard ne uske haath mein chai ka glass diya.

Thandi hawa uske baalon ko hila rahi thi. Usne black full-sleeve half-neck top, tucked into a checked black-white mini skirt. White sneakers, minimalist jewellery pehne the. Makeup nahi tha, lekin chehra phir bhi glow kar raha tha.

Saanvi kabhi-kabhi hi smoke karti thi — sirf jab stress ya gussa had se zyada badh jaata tha. Aaj uske expressions calm the, par aankhon ke andar ek dard chhupa tha.

Weather suhaana tha — halki thand, halki hawa. Uske lambe baal hawa ke saath ud rahe the.

Usne ek Sip li — chai ki bhaap uske chehre se takrai, aur usi pal uski hazel eyes aur chamak gayi.

Doosri taraf

Isi highway par ek Rolls Royce tej raftaar se aa rahi thi. Andar do ladke baatein kar rahe the.

Tabhi baarish ki halki boondein shuru huin.

Aur ek ladka excited hote hue bola, "Mihir, mausam kamaal ka hai, yaar! Kya kehta hai, aaj farmhouse pe party?"

Mihir Singhania, 22 saal ka, lekin uski personality mein ek aisi maturity thi jo use apni age se kaafi bada dikhati thi.

Chheh’ teen" height, perfectly built athletic body — broad shoulders, defined chest aur aath-pack abs jinke lines bhi designer ke strokes jaise perfect the. Har movement mein ek effortless dominance aur confidence tha, jaise duniya uske rules pe chalti ho.

Uska face structure — sharp aur dangerously handsome.

Perfectly chiseled jawline, thoda sa stubble jo uske lips ke curve ko aur bold banata tha. Straight nose, aur aankhen. Deep brown eyes — woh aankhen jo kisi ko bhi ek pal mein analyze kar leti thi. Unmein ek thandapan tha, ek aisi stillness jo khatra bhi lagti thi aur aakarshan bhi.

Kehte hain kuch log aankhon se baat kar lete hain — Mihir unmein se ek tha, bas difference yeh tha ki woh aankhon se warn karta tha, woh nahi.

Uske hair — jet black aur neatly styled, par kabhi-kabhi hawa mein bikhar jaayein toh aur bhi appealing lagte the.

Lips naturally pinkish, par uske expressions hamesha controlled rehte — jaise woh emotions dikhana apna insult samajhta ho.

Woh expensive black t-shirts aur leather jackets pehenta tha — minimalist test, par har cheez branded. Uska perfume — Dior Sauvage — ek baar mahka, toh pura corridor uski presence se bhar jaata.

Wrist pe limited edition Swiss watch, aur neck ke paas ek thin silver chain — subtle, par statement.

Uska aura dangerous tha, lekin magnetic bhi.

Log use dekh ke ya toh peeche hat jaate, ya uski taraf khinch jaate.

Classmates ke liye woh ek nightmare tha — arrogant, ruthless aur unpredictable.

Par jab woh chup hota tha, toh uske andar ek ajeeb sa still fire tha — jo kisi din sab kuch jala sakta tha.

Woh rarely hasta tha. Uske lips pe muskaan aana ek rare luxury thi — lekin jab kabhi aayi, toh woh half-smile kisi ko bhi hypnotize kar de.

Ek perfect combination of danger aur desire.

Kairav ki baat sun kar Mihir ne steering se nazar nahi hataayi, bas calm voice mein bola, "Aaj nahi, hostel jaana hai, Kairav."

Kairav Arora, almost same age aur Height 6.2. Blue t-shirt, black jeans, thode messy hair. Woh bhi handsome aur charming tha aur thoda jolly nature ka. Mihir ki baat sun kar usne munh bana ke window ke bahar dekha. Aur phir aankhen wahin thehar gayi.

Uske chehre pe halki si smile aa gayi. Woh us jagah dekhte hue bola, "Beautiful."

Uski awaaz sun kar Mihir ne bhi curiosity se uski direction mein dekha — aur tab dono ki nazar ek hi point par jaakar ruki.

Roadside chai tapri ke paas — ek ladki khadi thi. Chai ka kulhad wala cup haath mein, hair thode gile, aur chehre par ek pyari si smile.

Yeh thi Saanvi Aryavanshi.

Woh ek chote bacche se baat kar rahi thi — muskurate hue, dimpled cheeks ke saath. Baarish ki halki boondein uske chehre pe chamak rahi thin. Jaise aasmaan bhi use dekh kar thehar gaya ho.

Mihir ne dheere se mann mein kaha, "Apsara."

Kairav ne smile ke saath bola, "Bhai. Kya ladki hai."

Aur tab. Duniya ke do extreme poles — The Calm and The Chaos — pehli baar ek hi frame mein aaye.

Mihir ne use koi jawab nahi diya. Bas ek aakhri baar windshield ke paar us ladki ko dekha —

Aur us ek nazar mein kuch ajeeb- sa ehsaas uske seene mein utar gaya.

Kuch jo usne pehle kabhi mehsoos nahi kiya tha.

Please like nd comment 🙏 ❤️

 Agar aap meri stories enjoy karte ho, toh sirf reader mat raho… meri writing journey ka hissa bano.

Stories pasand aa rahi hain?

Toh mujhe Instagram, https://www.instagram.com/sunsetstarstories?igsh=MWM0OTdqM3BmNXNvcA==

Facebook https://www.facebook.com/share/1HAk2iycLz

aur WhatsApp Channel https://whatsapp.com/channel/0029Vb7LOCO8kyyFuvjU1Z09 prfollow karo 💫“Meri kahani sirf padhne ke liye nahi hoti… mehsoos karne ke liye hoti hai.

Agar aap mere characters ke emotions, secrets aur upcoming twists sabse pehle jaana chahte ho…Shayad agla twist aapke suggestion se aaye… ❤️‍🔥

toh mujhe Instagram, Facebook aur WhatsApp Channel par follow karo.

Instagram pe aap mujhse directly chat kar sakte ho, apne questions pooch sakte ho aur apne favourite scenes discuss kar sakte ho.

I’m waiting for you there 🖤